New Ceramics!

translation missing: da.homepage.onboarding.no_content

translation missing: da.homepage.onboarding.no_content

translation missing: da.homepage.onboarding.no_content

translation missing: da.homepage.onboarding.no_content

Veggjamáling

Flutex 10 Úr 199,95 DKK
B&J 10 Veggjamáling Úr 159,95 DKK
Flutex 7S Úr 199,95 DKK
Flutex 5 Úr 199,95 DKK
Flutex 20 Úr 398,00 DKK
Flutex 7A 711,42 DKK 798,00 DKK
B&J 25 Veggjamáling Úr 179,95 DKK

Veggjamáling → Mannagongdir, to-do listi og góð ráð

Vilt tú geva vegginum nýtt lív? So skalt tú hava fatur í einari góðari spann við veggjamáling. Áðrenn tú ert til reiðar at nýta tínar flottu, nýmálaðu veggir, er tað umráðandi at tú veist, hvussu tú ber teg at. Niðanfyri vegleiða vit, hvussu tú skalt bera teg at:

Hvørja veggjamáling skal eg velja?

Sum við so nógvum øðrum, er samanhangur ímillum prís og kvalitet, tá tað kemur vil veggjamáling. Vit viðmæla ikki, at tú fert eftir tí bílagstu málingini á marknaðinum. Tær bíligu málingirnar hefta oftani verri, og eru aloftast meira umhvørvisskaðiligar, enn tær dýraru. 

Hjá Fróða hava vit millum annað máling frá Beck og Jørgensen, Jotun og Caparol. Um tú velur eitt av hesum merkinum, kemur tú at nýta tað somu vøruna, sum málarameistararnir. Á hendan hátt, verður títt "gør-selv-projekt", til eitt meistaraverk. 
 

Hvørja farvu skal eg velja?

Her er tað nógv upp til tann einstaka, hvat fyri farvu man vil hava. Hjá Fróða hava vit uttan iva eina veggjamáling, sum passar til tín. Sí okkara úrval av farvukortum, og bílegg eitt ókeypis heim. 

Farvur hava stóran týdning fyri, hvussu vit uppliva eitt rúm. Eitt lítið rúm følist størri, tá vit mála tað við hvítum, ella einari aðrari ljósari nuansu. Og øvugt gera myrkari farvur tað mótsatta. Ein myrkari farva kann skjótt geva kensluna av eini "holu". Hetta kann rigga sera væl í ávísum førum, eitt nú til eitt heimakontór ella bókasavn, har ein hevur hug at hugsavna og fordjúpa seg. 

 

Nær er ein veggjamáling góð?

Tá ein veggjamáling er 100% rein akrylmáling, so fært tú tað fremsta og besta innan máling - bæði tá tað kemur til úskjónd, og at halda reint. Ynskir tú eitt bíligari alternativ, kanst tú royna okkara úrval av plastmáling.  

Nær er málingin ov gomul?

Øll máling eldist við tíni, og verður ov gomul at nýta, so tað er umráðandi at hava í huga. Sum við so nógvum øðrum, er aloftast tvey dato á spannini, fyri haldbarheitina tá spannin er ásett og óásett. Øll málist eigur at vera goymd frostfrítt, uttan beinleiðis sólarljós, og í umleið stovuhita. 

Hvussu langt røkkur veggjamáling?

Á flestu spannunum, stendur hvussu nógvar kvadratmetrar tær dekka. Vanliga siga vit, at:

- Ein 3-liturs spann røkkur til 20-24 kvadratmetrar
- Ein 5-liturs spann røkkur til 30-35 kvadratmetrar
- Ein 10-liturs spann røkkur til 60-70 kvadratmetrar
 

Hvat fyri glans skal eg velja?

Jú meira lakk er í málingini, jú hægri er glansvirði. Og jú hægri glansvirði er, jú meira skínur málingin. Málingin, ið hevur sera lágt glans virði, nevna vit "mat". 

Lakkið í málingini er við til at forða fyri, at skittur og fugt treingja inn til yvirflátuna á vegginum. Av tí sama er máling við einum hægri glansvirði ofta eitt meira praktiskt væl, eitt nú til barnakømur, baðirúm osv. 

Hetta glansvirði viðmæla vit, til tey ymisku rúmini í húsinum:

  • Stovur/kømur: Alt eftir hvat tú sjálvur dámar best, viðmæla vit eitt glansvirði frá 5-10. Ynskir tú ein skínandi vegg, skal tú sum áður nevnt velja ein hægri glans
  • Barnakamari: Her skulu vit nýta eina máling, sum er praktisk og løtt at reingera. Vit viðmæla eitt glansvirði á 7 ella 10.

  • Køkurin: Her viðmæla vit eina máling, við einum glansvirði ímillum 10-25. Í køkinum rokast vit nógv, og við nógvum dampi í rúminum frá matgerð og uppvask, tørvar okkum eina máling, sum verjir veggin frá fukt. Grýturnar sprutta oftani nakað nógv, og tí er eisini umráðandi at hava slitsterka máling, sum er løtt at reingera. 
     
  • Baðirúmi: Her er neyðugt við einum høgum glansvirði. Vit viðmæla 25, 50, ella vátrúmsmáling. Tað er umráðandi, at tað er nógv lakk í málingini, soleiðis at vit fyribyrgja fugtskaðar, og so at máling heldur sær longri. 
     
  • Gangur: Nýt eina máling við glansvirði 6 ella 7. Á hendan hátt fært tú flottar og kámar veggir, ið eru lættir at halda reinir.
 

Vegleiðing - soleiðis málar tú við veggjamáling

  1. Veggurin skal vera reinur, uttan nakrar seymir og skrúvur (uttan so tú skalt nýta teir aftur). 
  2. Fyri at sleppa lættari at veggjunum, flyta vit teir stóru møblarnir. Restin verður avdekka. 
  3. Um tú einans málar veggirnir, viðmæla vit at dekka gólvið fram við vegginum av. Síðani vaskar tú veggin við grundreins, og eftir hetta við vatn. 
  4. Um nakað av tí gomlu málingini situr leyst, nýt so eitt sparslijarn at fáa hana burtur. Tá veggirnir eru heilt turrir, ert tú til reiðar at mála. 

Vit viðmæla, at tú byrja við at mála øll hornini við einari lítlar rullu, ella einum pensli. Eftir hetta nýta vit eina stóra rullu, har tað ber til. Nøkur góð ráð:

- Oftast er neyðugt at mála tvær ferðir, alt eftir hvørjum standi veggurin er í.
- Lat veggin turka nógv leingi, áðrenn tú málar fyri aðru ferð. 
- Ikki taka pausu, tá tú ert í holt við at mála. Tá tú ert byrjaður uppá ein vegg, mála so allan veggin ímeðan hann enn er vátur. 
- Mála altíð upp og niður við tínar rullu. Hetta gevur tað flottasta úrslitið. 
- Royn at fordeila málingina javnt yvir allan veggin. 

Search